უკანასკნელ ხანებში, საქართველოს ოკუპირებული რეგიონების ადმინისტრაციულ ხაზთან რუსეთის ფედერაციის შეიარაღებული ძალების მხრიდან მიმდინარეობს შეტევითი შეიარაღების კონცენტრაცია და, შესაბამისად, იზრდება პროვოკაციის საფრთხეც.
უკანასკნელ პერიოდში, რუსეთის ფედერაციის საგარეო საქმეთა სამინისტროს ოფიციალურმა პირებმა არაერთხელ გააკეთეს განცხადება აფხაზეთისა და ცხინვალის რეგიონების საოკუპაციო ხაზებთან საქართველოს მიერ სამხედრო ნაწილებისა და აღჭურვილობის ზრდის თაობაზე.
საქართველოს საგარეო საქმეთა სამინისტრო ღრმა შეშფოთებას გამოხატავს და მკაცრად გმობს ლიბანის დედაქალაქ ბეირუთში განხორციელებულ ტერორისტულ აქტს, რომლის შედეგადაც დაიღუპა რვა ადამიანი, მათ შორის ლიბანის უსაფრთხოების სამსახურის უფროსი, გენერალი ვისამ ალ ჰასანი.
2012 წლის 19 ოქტომბერს ქ. ბრიუსელში გაიმართა საქართველო-ევროკავშირის თანამშრომლობის კომიტეტის მე-12 სხდომა, რომელსაც ქართული მხრიდან თავმჯდომარეობდა საგარეო საქმეთა მინისტრის მოადგილის მოვალეობის შემსრულებელი სერგი კაპანაძე, ხოლო ევროკავშირის მხრიდან - ევროპული საგარეო ქმედებათა სამსახურის (EEAS) ევროპისა და ცენტრალური აზიის მმართველი დირექტორის მოადგილე გუნარ ვიგანდი.
ნატო-ს გენერალური მდივნის სპეციალური წარმომადგენელი კავკასიასა და ცენტრალურ აზიაში ჯეიმს აპატურაი საქართველოს ოფიციალური ვიზიტით 18 ოქტომბერს ეწვია. ვიზიტის მიზანი იყო საქართველოს ნატო-ში ინტეგრაციის მიმართ ალიანსის მხარდაჭერის კიდევ ერთხელ დადასტურება და ქვეყნის ალიანსში გაწევრიანების პროცესის განხილვა მოქმედი ხელისუფლებისა და საპარლამენტო არჩევნებში გამარჯვებული კოალიცია „ქართული ოცნების" მინისტრობის კანდიდატებთან.
2012 წლის 18 ოქტომბერს საქართველოს საგარეო საქმეთა სამინისტროში გაიმართა საქართველოში იაპონიის საგანგებო და სრულუფლებიანი ელჩის მასაიოში კამოჰარას ღირსების ორდენით დაჯილდოვების ცერემონიალი.
ევროპულ და ევროატლანტიკურ სტრუქტურებში ინტეგრაციის საკითხებში საქართველოს სახელმწიფო მინისტრის მოვალეობის შემსრულებლის თორნიკე გორდაძისა და საქართველოს საგარეო საქმეთა მინისტრის მოადგილის მოვალეობის შემსრულებლის სერგი კაპანაძის ბრიუსელში ვიზიტის ფარგლებში, 2012 წლის 18 ოქტომბერს გაიმართა ორმხრივი შეხვედრა ევროპული საგარეო ქმედებათა სამსახურის გენერალური მდივნის მოადგილესთან, მ. პოპოვსკისთან.
2012 წლის 15 ოქტომბერს გაიმართა საქართველოს საგარეო საქმეთა მინისტრის გრიგოლ ვაშაძის სამუშაო ვიზიტი ლუქსემბურგის დიდ საჰერცოგოში. მინისტრმა ვაშაძემ ორმხრივი შეხვედრა გამართა ლუქსემბურგელ კოლეგასთან, ვიცე-პრემიერთან და საგარეო საქმეთა და იმიგრაციის მინისტრთან ჟან ასელბორნთან.
